又平又好用，唔推介比大家真係對唔住你地!

話說早前vy vy去東南亞旅行，你知la亞熱帶地區好曬ga ma，所以一日起碼補2-3次防曬，番到酒店要用落妝油洗乾淨o的防曬，但點知第一晚先發支落妝油太油…而我帶去用o既洗面sample又唔夠強，好似洗唔乾淨咁，所以為有用廣源良支蘆薈敷臉凝露fu下個面希望可以有深層清潔o既效果，而之後個幾晚我都係只用洗面加fu蘆薈敷臉凝露….
但意想不到o既事就發生la!!!o的毛孔真係細左好多ar!!!!!!!我只係連續fu左4晚每次10-22分鐘，諗住只係當深層清潔，估唔到我日日搽咁多防曬焗住d皮膚o的皮膚不單冇差到，而毛孔竟然重細左咁多真係令我又驚又喜!
上圖左邊個支係新裝，右面個支係舊裝，據說成份無分別，只係包裝改左，因為舊裝個支係硬膠，用到尾會好難倒出黎，而新包裝我雖然未開黎用，但佢係軟身設計，我諗應該可以用到尾，唔會浪費!

舊裝我係團購買好似$2x(團購真真係平好多)，宜家我係樓上鋪買新裝$50(佢係今個月做緊優惠，想知邊間可以私留問我)，有支”巧敷棒”送，係到提提各位，我check過好多拍賣新裝都賣緊$5x-6x，有d重要無支”巧敷棒”(雖然我唔知係咪每支都有”巧敷棒”送，可能我lee套係優惠裝)，而同時重有舊裝賣緊，重平d，不過佢係保用3年o既，所以各位唔怕o既買舊裝都得，最緊要係睇生產日期就ok了!